日本直送!师傅推介今季必食最鲜 日本水产 @Dining娜

2020-07-14 作者 : 浏览量:962
(Presented by JFOODO)

Photo:二筒

香港人锺意食日本菜,刺身、寿司更加係长青首选必食。香港好多间寿司店嘅鱼类、水产都係由日本直送,绝对有一定新鲜度。不过打开餐牌选择多多,总係令人花多眼乱,唔知点拣好?今次搵咗负责推广日本水产嘅JFOODO(The Japan Food Product Overseas Promotion Center)讲吓今季当造之选。

专家推介必食 日本水产

所谓不时不食,识食当然要拣每季最当造嘅 日本水产 嚟食,尤其是刺身、寿司,先至能够食到食材最原始嘅鲜甜滋味。JFOODO副总监小野村拓志先生同埋从事日本寿司餐厅多年嘅寿司师傅,都大讚初春季节嘅油甘鱼、鲷鱼、帆立贝,皆因佢哋会特别肥美、厚肉,所以两位都特别推介。

日本直送!师傅推介今季必食最鲜 日本水产 @Dining娜
JFOODO副总监小野村拓志先生教路,今季嘅鲷鱼肥美鲜爽,属一大必食推介!
日本直送!师傅推介今季必食最鲜 日本水产 @Dining娜
大大条嘅油甘鱼分量十足,要两位师傅一齐捧住。

3大今期当造水产

鲷鱼、油甘鱼、帆立贝都係小野村先生嘅专业推介,睇睇有咩原因!

日本人尤其锺情于鲷鱼,唔单只因为佢係幸运之鱼,而且油脂甘香、分布均匀,咬落去有种淡淡嘅鲜甜,肉质鲜爽幼嫩,简单配wasabi或者海盐食已经能够带出鲜味,最当造嘅时分係秋季至春季之间。

日本直送!师傅推介今季必食最鲜 日本水产 @Dining娜
鲷鱼虽然味道较淡,但胜在油脂甘香,味道鲜甜;加上寓意丰收,係幸运之鱼,深受日本人喜爱!

油甘鱼油分多、肥美鲜甜,腹部係油脂最集中嘅位置。而鰤鱼(大品种嘅油甘鱼)更係油甘鱼之王,大家可以因应自己嘅喜好拣选唔同部位嚟食。依家出产嘅油甘鱼特别油润、有嚼头,鱼油味浓香。

日本直送!师傅推介今季必食最鲜 日本水产 @Dining娜
油甘鱼油分丰富,唔少人会拣腹部嚟食,因为油脂最集中,够晒肥美鲜甜!有要求嘅话,仲可以食油甘鱼之王——鰤鱼。

日本直送!师傅推介今季必食最鲜 日本水产 @Dining娜

多数来自北海道、青森,今季歎帆立贝,最能够食到佢厚肉鲜嫩嘅味道,除咗刺身、寿司,都好适合用嚟炙烧或烤焗,味道更香口,料理创作好多元化。而日文叫扇贝做「帆立」,就係因为佢外形同帆船好似,帆立贝仲有一帆风顺之意,几有意头噃!

日本直送!师傅推介今季必食最鲜 日本水产 @Dining娜
帆立贝刺身固然鲜嫩爽甜,如果炙烧或者烤焗又可以食到佢嘅香口层次,变化好多。