米线 称得上係港人最爱嘅美食之一，大家唔好以为汤底只係配角，其实 米线 同汤底永远都係主角，一样咁重要。要做到两者同样咁好味，就要数一向锺意突破传统嘅新派 米线 专门店米线阵。佢哋嘅特色汤底唔单止有7款选择，每款足料之余，食材配搭亦好有心思，诚意十足！
自家製新颖 米线 汤底
首先，不得不提米线阵自家原创兼高人气嘅招牌麻辣番茄汤，有别于一般米线店嘅麻辣或者酸辣口味，佢哋除咗加入胡椒、青花椒、辣椒乾等香料，仲放咗大量新鲜番茄熬製，将麻辣香味同番茄嘅清新酸甜完美地结合，创造出独特嘅风味。要试呢款汤底，推介食麻辣番茄肥牛鱼腐米线！
另一人气热选，仲有配搭创新嘅北海道3.6牛乳南瓜汤，由于用咗北海道3.6牛乳，同埋加入好多新鲜南瓜蓉，所以特别有咬口，口感非常丰富。
而香浓担担汤就用咗自家製猪骨汤混合肉燥、榨菜、花生酱、麻油、秘製辣油、花生碎，先鹹后辣，同时不失麻油香同花生香，香口惹味，令人一食爱上！歎担担汤，配大汗猪扒担担米线够晒风味呀！
30款米线配餸、冷热小食
话明走新派路线，米线阵嘅食品款式好多元化，除咗多种风味米线之外，亦有薯粉、稻庭乌冬等唔同选择。米线配餸更多达三十款选择，当中近半数係手工配餸，製作用心。
另外，特色风味小食就超过廿款，无论嗜辣或者唔食辣嘅朋友都各有选择。如果你有选择困难症，可以选择主餐牌嘅7大「皇牌推介」，例如特盛米线、麻辣番茄肥牛鱼腐米线等，够晒方便！
清新足料解辣青瓜豆浆
呢度嘅特饮有多达十款选择，最特别嘅一定係青瓜豆浆！米线阵独创嘅青瓜豆浆用浓香豆浆混入新鲜青瓜蓉製成，含丰富纤维，清新又有营。原来食完辣，饮青瓜豆浆比水可以更快解辣，因为豆浆含有酪蛋白，有效缓解辣味，同麻辣汤底简直係perfect match！
米线阵
地址：尖沙咀加拿分道20号加拿芬广场地库
电话：2507 4622
Facebook：米线阵 Mixian Sense